Gənclər Təşkilatları Milli Şurası "Yerli" Kənd Gənclərinin İnkişafı Proqramı çərçivəsində üzv təşkilatlar üçün layihə müraciətini açıq elan edir. Gənclər təşkilatlarının kənd gənclərinin ictimai həyatda təşəbbüskarlığına və iştirakına şərait yaratmaq, onların kənd gəncləri ilə əlaqəsini qurmaq məqsədilə dövlət strukturları tərəfindən maliyyələşdirilməsi təsdiqlənmiş layihə, proqram və sosial şifarişlərinin kəndlərdə davam etdirilməsi birgə əməkdaşlıq çərçivəsində həyata keçiriləcək və Milli Şura tərəfindən lazımı inzibati və texniki dəstək göstəriləcəkdir.

Əməkdaşlıq fəaliyyəti 4 mərhələdə həyata keçiriləcəkdir:

  • Əməkdaşlıq üçün müraciətlərin qəbul olunması (fəaliyyətin təsviri və büdcə);
  • Birgə əməkdaşlıq fəaliyyətinin dəyərləndirilməsi;
  • Əməkdaşlığın həyata keçirilməsi;
  • Hesabatçılıq.

 

Əməkdaşlıq çərçivəsində Milli Şura tərəfindən qarşılanacaq xidmətlər aşağıdakılardır:

  • Kənd gəncləri ilə əlaqələrin daha rahat qurulmasına dəstək edilməsi;
  • Poliqrafiya materiallarının hazırlanması;
  • Foto və video çəkilişin təşkil olunması;
  • Fəaliyyətin təşkili xərclərinin qarşılanması (çay fasiləsi və s,);
  • PR dəstəyi;

 

Əməkdaşlıq çərçivəsində Təşkilatlar tərəfindən qarşılanacaq xidmətlər aşağıdakılardır:

  • Fəaliyyətlərin formatının müəyyənləşdirilməsi;
  • Fəaliyyətin təlim-tədris materiallarının hazırlanması;
  • Fəaliyyətin reallaşması məqsədilə insan resurslarının təşkili;
  • Fəaliyyətin sosial şəbəkədə təbliğinə dəstək;

 

Məlumat üçün qeyd edək ki, Azərbaycan Respublikasının Prezidenti İlham Əliyevin sərəncamı əsasında 2015-ci il Azərbaycan Respublikasında “Kənd təsərrüfatı ili” elan olunmasından sonra, eyni zamanda “Azərbaycan: 2020: Gələcəyə Baxış” İnkişaf Konsepsiyasında qeyd olunan “Gənclər, xüsusən ucqar və kənd yerlərində yaşayan gənclər üçün məlumat-məsləhət xidmətləri şəbəkəsi genişləndiriləcəkdir” müddəasını nəzərə alaraq, Azərbaycan Respublikası Gənclər Təşkilatları Milli Şurası, Azərbaycan Respublikası Gənclər və İdman Nazirliyinin dəstəyi ilə Azərbaycanda ilk dəfə həyata keçirilən “Yerli” Kənd Gənclərinin İnkişaf Proqramına start vermişdir.

Proqram çərçivəsində ancaq 2015-2016-cı il ərzində ölkə ərazisində 66 kənddə 1500 gənc əhatə olunub. Gənclərin maarifləndirilməsi ilə yanaşı, proqram çərçivəsində eyni zamanda gənclər təşkilatlarının kənd gəncləri ilə iş sahəsində potensialının artırılması istiqamətində alətlər təqdim olunub.

Qeyd edək ki, Gənclər Təşkilatları müraciət üçün aşağıdakı linkə daxil olaraq ərizə formasını doldurmalıdırlar:

Əlaqələndirici şəxs: Pərvin Qasımov
Vəzifə: Proqram koordinatoru
Mobil tel: 077 421 11 30
Tel: 012 441 16 31
Fax: 012 441 16 27
Ünvan: Azərbaycan, AZ 1014, Bakı şəh., Suleyman Rüstəm küç. 15H